ՀՀ սահմանների որոշ հատվածներում տեղի են ունենում գործընթացներ, որոնք ցավոտ են. պետք է խնդրեմ խուճապային տրամադրությունների մեջ չընկնել. Փաշինյան

Նիկոլ Փաշինյանն այսօր իր ուղերձում նշեց, որ դեռ չեն հասցրել պետական մակարդակով խոնարհումի միջոցառումներ ու սգո օրեր հայտարարել, և  դա անելը ճիշտ կլինի չճանաչված մարմինների ճանաչումից հետո:

«Այս օրերին Հայաստանի սահմանների որոշ հատվածներում տեղի են ունենում գործընթացներ, որոնք ցավոտ են և ցավով են ընդունվում մեր որոշ հայրենակիցների կողմից, սա, իհարկե, հասկանալի է, բայց մենք պետք է արձանագրենք, որ մեր ԶՈւ-ն տեղաբաշխվում է մեր ՀՀ սահմանի երկայնքով, խոսքը տվյալ դեպքում հայաստանյան հատվածի մասին է, Արցախի պարագան առանձին խնդիր է»,- ասաց նա և շեշտեց, որ տարբեր տիպի գործնական խնդիրներ կան, բայց այդ խնդիրներն անլուծելի չեն:

«Դրանց վրա մենք աշխատում ենք, բայց կրկնում եմ՝ մեր ԶՈւ-ն տեղաբաշխվում է ՀՀ սահմանի երկայնքով, պետք է խնդրեմ այս առիթով ամեն անգամ խուճապային տրամադրության մեջ չընկնել, մեր հետագա գործողությունները պետք է միտված լինեն նրան, որ դա դառնա սահման և ոչ թե ռազմաճակատի գիծ, մենք պետք է գնանք այդ ճանապարհով»,- հայտարարեց նա:

axbyur`https://blognews.am/arm/press/725038/?fbclid=IwAR2GTCRXWN_bQZnRIdVn41SnCmCy_KE9piXfhgDi1PL1YElHfo-aKhhl2f8

Добавить комментарий

Ваш адрес email не будет опубликован. Обязательные поля помечены *