Մարտակերտցիներն անակնկալի են եկել. մեկ օր ունեն իրենց տները լքելու համար

Մարտակերտցիներն անակնկալի են եկել. մեկ օր ունեն իրենց տները լքելու համար

Panorama.am-ը գրում է. Արցախի Մարտակերտի շրջանի մի քանի գյուղերի բնակիչների երեկ երեկոյան լուր են տվել՝ մեկ օր է մնացել ունեցածը տարհանելու համար։

Շրջանի Հովտաշեն գյուղի բնակիչ Էդգար Հովհաննիսյանը, որ այս օրերին ապաստանել էր Արտաշատում ապրող բարեկամների տանը, այս պահին շտապում է Արցախ՝ հասկանալու, թե ինչ փոխվեց «տուն վերադառնալու» ու «տներն արագ լքելու» հայտարարությունների միջև ընկած հատվածում։

«Գյուղապետը զանգել է, ասել է, տարհանում է, եկեք, ինչ ունեք, չունեք, հանեք։ Միայն Հովտաշենը չէ, նույն վիճակում են Կարմիրավանը, Նոր Մարաղան, Նոր Այգեստանը, Նոր Սեյսուլանը։

Մարտակերտ

Այս շրջաններն ինչ-որ ժամանակ Աղդամին են պատկանելուց եղել, դրա համար տարհանում են, բայց մինչև էդ ասում էին՝ հանգիստ, հետ եկեք։ Երեկ մեր գյուղ կանայք են տեղափոխվել երեխաների հետ, որպեսզի ապրեն։

Հասել են տեղ, երեկ ժամը վեց անց կես վարչակազմից զանգել են գյուղապետին, ասել են, որ գյուղը պետք է ազատվի»,-Panorama.am-ի հետ զրույցում ասաց իր տուն շտապող Էդգար Հովհաննիսյանը։

Հիշեցնենք, որ Փաշինյանի ստորագրած հողերը հանձնելու մասին հայտարարության համաձայն, Աղդամի շրջանը վերադարձվում է Ադրբեջանի Հանրապետությանը մինչև նոյեմբերի 20-ը:

Առավել մանրամասն՝ սկզբնաղբյուր կայքում

աղբյուր՝https://bavnews.am/%d5%b4%d5%a1%d6%80%d5%bf%d5%a1%d5%af%d5%a5%d6%80%d5%bf%d6%81%d5%ab%d5%b6%d5%a5%d6%80%d5%b6-%d5%a1%d5%b6%d5%a1%d5%af%d5%b6%d5%af%d5%a1%d5%ac%d5%ab-%d5%a5%d5%b6-%d5%a5%d5%af%d5%a5%d5%ac-%d5%b4%d5%a5/?fbclid=IwAR3s2t0KEWIK8XtnOMGDNm_b4eW03DXddtoyyWKqgHdN6yC7PHGVECG_SLY

Добавить комментарий

Ваш адрес email не будет опубликован. Обязательные поля помечены *