Պահեստը լիքն է եղել զինամթերքով և կոնկրետ անձ, որի անունը տրվել է, հրաժարվել է նրանց զենք տրամադրել․ վարչապետ

«Ես առաջարկում եմ մեխանիզմ, որով լսվի բոլորի ձայնը և այդ ձայների հարաբերակցությունը լինի կշռելի և չափելի։

Սա հանրային համերաշխություն ձևավորելու մեխանիզմ է։ ՀՀ Սահմանադրությամբ՝ իշխանության ճակատագիրը պետք է որոշի ժողովուրդը»,-Հանրային հեռուստաընկերության եթերում հայտարարել է վարչապետ Նիկոլ Փաշինյանը՝ անդրադառնալով 17 կուսակցությունների՝ ընտրությունների վերաբերյալ դիտարկումներին։

Նա նաև նշեց, որ կարևոր է հասկանալ՝ ինչ ու է տեղի ունեցել այդ պարտությունը պատերազմում։ Փաշինյանի խոսքով՝ պատերազմին մասնակցած կամավորների հետ հանդիպմանը վերջիններս նրան պատմել են, որ ջոկատի զենքի համալրում թույլ չեն տվել կատարել և նրանք ստիպված են եղել կոտրել զինամթերքի պահեստը ու տեսել, որ այն լիքն է զենքով և զինամթերքով․ «Սա պարտության պատճառների մեկն է։ Պահեստը լիքն է եղել զինամթերքով և կոնկրետ անձ, որի անունը տրվել է, հրաժարվել է նրանց զենք տրամադրել»։

Հարցին՝ արդյոք սա դավադրություն է, Փաշինյանը պատասխանեց, որ չի կարող ասել, սակայն պատերազմի մասին բոլոր դրվագները պետք է հայտնի դառնան։

Նա նշել է, որ նախընտրական քարոզարշավը հնարավորություն է, որպեսզի բոլորը կանգնեն ժողովրդի առաջ, մեղադրանքները և ապացույցները բարձրաձայնվեն և ժողովուրդը որոշի․ «Այդ բոլոր հարցերը պետք է ստանան իրենց պատասխանները»։

Добавить комментарий

Ваш адрес email не будет опубликован. Обязательные поля помечены *