Հադրութի հաշմանդամ տղային մի քանի տեղից՝ կրծքից, որովայնից գնդակահարել են, նաև կրակել ձեռքի ափին, երբ ափը բարձրացրել է՝ ցույց տալու, որ անզեն է. ևս 2 անձի սպանության մասին է հայտնի դարձել

Այսօր հրավիրված ասուլիսի ժամանակ Արցախի մարդու իրավունքների պաշտպան Արտակ Բեգլարյանը խոսել է հոկտեմբերի 10-ին Հադրութ ներթափանցած դիվերսիոն խմբի գործողությունների մասին։

Ինչպես հայտնել էին ՄԻՊ աշխատակազմից, երեկ Հադրութում ադրբեջանցի դիվերսանտները տանը սպանել են երկու բնակչի՝ մորը և հաշմանդամություն ունեցող որդուն:

«Հրադադարի պայմանավորվածությունից հետո ադրբեջանական դիվերսիոն խումբ է ներթափանցել Հադրութ, ըստ որոշ տվյալների, նաև՝ վարձկան ահաբեկիչների մասնակցությամբ: Այնտեղ ահաբեկել են բնակչությանը, վառել են որոշ տներ, նաև սպանել են որոշ քաղաքացիական անձանց:

Երեկվա դրությամբ մենք տեղեկություն ունեինք 2 հոգու մասով՝ հաշմանդամ տղայի ու նրա մոր, որոնց սպանել են գնդակահարելով, նաև քիչ առաջ մենք տեղեկություններ ստացանք, անունները հրապարակեմ, որ որևէ մեկը կասկած չունենա, Միշա և Անահիտ Ավետիսյանները, (ազգանունը լրացուցիչ կճշտեմ), դրանից բացի, նաև երկու լրացուցիչ քաղաքացիական անձանց մասով էլ տեղեկություններ ունենք՝ Նվեր Գրիգորյան և Արտյոմ Միրզոյան, այս երկուսը նույնպես սպանվել են վարձկան ահաբեկիչների կողմից:

Առաջին երկուսը՝ որդին և մայրը սպանվել են իրենց տանը, ինչը նշանակում է, որ ուղղակի ներխուժել են տուն և գնդակահարել: Մենք հրապարակել ենք լուսանկարներ, հաշմանդամություն ունեցող անձը մի քանի տեղից՝ կրծքից, որովայնի հատվածից գնդակահարված է, նաև գնդակահարված է նրա ձեռքը՝ ափը, ինչը թույլ է տալիս եզրակացնել, որ նա ձեռքի ափը բարձրացրել է, ցույց է տվել, որ ինքը անզեն է ու այդպես պաշտպանվել է, և ադրբեջանական ահաբեկիչները խփել են նաև նրա ձեռքին: Սա լրացուցիչ կերպով ցույց է տալիս, որ դա եղել է ահաբեկչություն, պատերազմական ծանրագույն հանցագործություն»,-նշեց Բեգլարյանը:

https://www.facebook.com/watch/live/?v=340369097076183&ref=watch_permalink&t=0

Добавить комментарий

Ваш адрес email не будет опубликован. Обязательные поля помечены *